رسا نیوز ایجنسی کی رپورٹ کے مطابق، اسلامی جمھوریہ ایران کے صدر حجت الاسلام و المسلمین ڈاکٹر حسن روحانی نے عالمی یوم قدس ریلی میں شرکت کے دوران صحافیوں سے گفتگو میں عالمی یوم قدس کو فلسطینوں کی مقدس امنگوں کے ساتھ اظہار یکجہتی کا دن بتایا ۔
انہوں نے یہ کہتے ہوئے کہ رات بھر شب قدر کے اعمال بجالانے کے باوجود ایران کے روزہ دار مسلمانوں نے عالمی یوم القدس کی ریلیوں میں بھرپور طریقے سے شرکت کی اور اس بات سے صاف ظاہر ہوتا ہے کہ امت مسلمہ، فلسطین اور بیت المقدس کی وفادار ہے کہا: اتحاد و یکجہتی، مزاحمت اور استقامت اور جہاد و ایثار کے جذبے کے ساتھ مسلمان، اپنے اعلی مقاصد حاصل کر سکتے ہیں۔
ایران کے صدر جمھوریہ نے مزید کہا: آج بہت سے ممالک اختلاف اور تفرقے کا شکار ہیں اور دہشت گردوں نے بھی عوام کے لئے زندگی دشوار بنادی ہے جو یقینا صیہونی حکومت اور عالمی سامراج کی شرمناک سازشوں کا نتیجہ ہے ۔