طالبان امریکہ و سعودی عرب کے آلہ کار اور اسلام سے بیگانہ ہیں

رسا نیوز ایجنسی کی رپورٹ کے مطابق، ایم ڈبلیو ایم کے مرکزی جنرل سکریٹری حجت الاسلام  ناصر عباس جعفری نے مجلس وحدت مسلمین شعبہ اصفہان کے زیر اھتمام اصفہان میں ہونے والے سیمینار سے خطاب میں کہا: سعودی عرب اور امریکہ طالبان کا مالی سرمایہ فراھم کرتے ہیں انکا اسلام سے کوئی تعلق نہیں ہے۔

انہوں نے یہ کہتے ہوئے کہ طالبان کے ساتھ کسی بھی صورت میں مذاکرات نہیں ہونے چاہیں کیوں کہ وہ ملک اور قوم کے دشمن ہیں کہا: شیعہ اور سنی مل کر اس ملک کو بحرانوں سے نکالیں گے اور انشاء اللہ ہم سب مل کر امریکہ، اسرائیل اور عرب ممالک کو پاکستان میں شکست دیں گے۔

واضح رہے کہ اس سیمینار میں ایم ڈبلیو ایم شعبہ قم المقدس کے جنرل سکریٹری حجت الاسلام غلام محمد فخرالدین، ایم ڈبلیو ایم شعبہ اصفہان کے جنرل سکریٹری سید تقی زیدی نے بھی خطاب کیا۔