مولانا عاصم مخدوم کا اجلاس سے خطاب کرتے ہوئے کہنا تھا کہ 2019 پوری دنیا میں رواداری کے سال کے طور پر منایا جا رہا ہے، اس حوالے سے چاروں صوبوں، گلگت بلتستان، کشمیر میں قومی امن کانفرنس ہوگی۔

مقررین کا کہنا تھا کہ قائداعظم محمد علی جناح نے پہلی دستور ساز اسمبلی سے خطاب کرتے ہوئے کہا تھا کہ پاکستان میں مسیح، ہندو، سکھ اقلیت میں نہیں رہیں گے بلکہ سب ایک ہو جائیں گے۔ اسی طرح پاکستان کے آئین میں تمام اقلیتوں کے حقوق یکساں ہیں کسی کو دوسرے پر برتری حاصل نہیں۔ انہوں نے کہا کہ منیارٹی کا لفظ کوئی طعنہ نہیں یہ صرف تعداد میں کم لوگوں کو ظاہر کرتا ہے لہٰذا کسی کو پریشان ہونے کی ضرورت نہیں۔