ایم ڈبلیو ایم کے زیراہتمام اے پی سی سے خطاب میں مذہبی و سیاسی جماعتوں کے رہنماوں کا کہنا تھا کہ جب تک حکومت اپنی صفوں کو دہشتگردوں سے پاک نہیں کرتی، تب تک دہشتگردی کا خاتمہ ممکن نہیں، پنجاب میں رینجرز کو وہی اختیار دیئے جائیں جو سندھ میں دیئے گئے ہیں، ضرب عضب کی ناکامی کے اسباب بتائے جائیں، دہشتگردوں کے سہولتکاروں کو انجام تک پہنچایا جائے۔ دہشتگردی کے خاتمے کیلئے ہم سب ایک ہیں۔ بھارت اور افغانستان پاکستان دشمنی میں ایک ہوچکے ہیں۔