اویس نورانی

جمعیت علماء پاکستان کے سیکرٹری جنرل کا کہنا تھا کہ مسلم فوجی اتحاد کے مقاصد واضح نہ ہونے کی وجہ سے شکوک و شبہات بڑھ رہے ہیں، پاکستان ایران اور سعودی عرب کی صلح کیلئے اپنا کردارا دا کرے، ملکی حالات سول وار کی طرف بڑھ رہے ہیں، ملک میں غربت، افلاس، بیروزگاری اور ناانصافی خطرناک حدوں کو چھو رہی ہے، حکمران اشرافیہ آتش فشاں کے دہانے پر پکنک منا رہی ہے۔

ورلڈ اسلامک مشن کے وفد سے گفتگو میں جے یو پی کے سیکرٹری جنرل کا کہنا تھا کہ اُمت مسلمہ کو ٹکڑے ٹکڑے کرنے کی نئی گریٹ گیم شروع ہو چکی ہے، مسلم حکمران ہوش کے ناخن لیں اور امریکی کھیل کا حصہ نہ بنیں، امریکہ گریٹر اسرائیل کی تکمیل کیلئے عرب ممالک میں انتشار پھیلا رہا ہے۔