دفتر خارجہ پاکستان کے ترجمان ڈاکٹر محمد فیصل کا کہنا ہے کہ بھارت پاکستان کی طاقت کا غلط اندازہ نہ لگائے اور ہم بھارت کو اپنے طے شدہ وقت اور مقام پر سبق سکھائیں گے۔

ہفتہ وار بریفنگ کے دوران ترجمان دفتر خارجہ کا کہنا تھا کہ بھارت نے رواں برس ۱۳۰۰ سے زائد مرتبہ فائربندی معاہدے کی خلاف ورزی کرتے ہوئے ۵۴ بے گناہ پاکستانی شہریوں کو شہید کیا جب کہ ۱۸۲ افراد زخمی بھی ہوئے، پاکستان نے بھارتی ڈپٹی ہائی کمشنر کو متعدد بار ایل او سی پر فائربندی معاہدے کی خلاف ورزی پر طلب کیا اور اپنا احتجاج ریکارڈ کرایا۔