ایم ڈبلیو ایم کے مرکزی سیکرٹری جنرل کا کہنا تھا کہ تفتان میں رہائش اور کھانے کے نام پر لوٹ مار کرنیوالوں کی اجاری داری قائم رکھنے کیلئے زائرین کو خود ساختہ مشکلات میں الجھایا جا رہا ہے، جس پر پاکستان کے پانچ کروڑ اہل تشیع سراپا احتجاج ہیں۔ سکیورٹی کے نام پر زائرین کے قافلوں کو کئی کئی دن تفتان بارڈر پر روک لیا جاتا ہے، جسکے باعث بچوں، بزرگوں اور خواتین کو شدید اذیت جھیلنا پڑتی ہے۔