رسا نیوز ایجنسی کے نامہ نگار کے رپورٹ کے مطابق ، اداری تعلیم و تحقیق (موسسه آموزشی و پژوهشی) امام خمینی (ره) کے سربراہ آیت الله محمد تقی مصباح یزدی نے متقین کی صفات کے بیان کو آگے بڑھاتے ہوئے گذشته شب کہا : شیعہ کی ایک خاص پہچان علم اور اس پر عمل کرنا ہے ، اس معنی میں کہ واقعی شیعہ جو علم حاصل کرتا ہے اس پر عمل کرتا ہے ۔
انہوں نے فرمایا : علم کی ایک خاصیت یہ ہے کہ اس پر عمل نہی کرنے کی صورت میں وہ انسان کے روح سے نکل جاتا ہے ۔ یہ اس حالت میں ہے کہ خدا وند نے وعدہ دیا ہے کہ اگر انسان جو کچھ حاصل کرتا ہے اس پر خود عمل کرتا ہے تو وہ چیزیں جس کا علم اس کو نہی ہے خدا اس کو بھی اس کے لئے ظاہر کرتا ہے ۔
حوزه علمیه قم کے استاد نے شهر مقدس قم کے حسینیه امام خمینی (ره) میں گفتگو کرتے ہوئے غیر خدا کے لئے علم حاصل کرنے کی چاہت پر تنقید کی اور کہا : بعض لوگ علم صرف لوگوں سے مجادلہ اور مقابلہ کرنے کی چاہت میں حاصل کرتے ہیں ۔ اور کچھ لوگ علماء کے مقابلہ میں اپنی خودنمائی کا اظہار کرنے کے لئے علم حاصل کرتے ہیں ۔ ان تمام میں سب سے بدترین وہ لوگ ہیں جو علوم دین حاصل کرتے ہیں اس لئے کہ دنیا کے حصول کے لئے اس کو وسیلہ بنائیں ۔ اس صورت میں وہ شخص اپنے نفس کی پیروی کرتا ہے ، شیطان کی پیروی کرتا ہے اور اس کا علم اس کو خدا سے دور ہونے کا سبب ہوتا ہے ۔
انہوں نے کہا : غیر دینی علوم کا حصول جیسے ڈاکٹری ، انجینیرنگ دنیاوی مقام کے لئے ہو تو کوئی خاص بات نہی ہے حالانکہ اگر کوئی اس علم کے حصول میں بھی خلوص اور الہی نیت رکھتا ہو تو اس علم کا حاصل کرنا عبادت ہے ، اور دوسری صورت میں یہ ایک قسم کا تجارت ہوگا۔