قائد انقلاب اسلامي :
رسا نيوزايجنسي – قائد انقلاب اسلامي حضرت ايت اللہ خامنہ اي نے اعلي حکام، مختلف عوامي طبقات، پچيسويں وحدت اسلامي کانفرنس کے مندوبين اور تہران ميں متعين اسلامي ممالک کے سفراء سے ملاقات ميں ايران کے انقلاب کو حقيقي اسلام کا احياء گر بتايا ?
رسا نيوزايجنسي کي رھبر معظم کي خبر رساں سائٹ سے منقولہ رپورٹ کے مطابق ، پيغمبر ختمي مرتبت حضرت محمد مصطفي صلي اللہ عليہ و آلہ و سلم اور فرزند رسول حضرت امام جعفر صادق عليہ السلام کے يوم ولادت با سعادت سترہ ربيع الاول کي مناسبت سے ملک کے اعلي حکام، مختلف عوامي طبقات، پچيسويں وحدت اسلامي کانفرنس کے مندوبين اور تہران ميں متعين اسلامي ممالک کے سفراء نے قائد انقلاب اسلامي سے ملاقات کي ?
حاضرين سے خطاب کرتے ہوئے قائد انقلاب اسلامي نے پيغمبر اکرم اور صادق آل محمد عليہم السلام کي ولادت با سعادت کي مبارکباد پيش کي اور اس مبارک و مسعود دن کو تاريخ بشريت کي عظيم ترين عيد قرار ديا?
قائد انقلاب اسلامي نے فرمايا : امت اسلاميہ کي مادي و روحاني عظمت و شوکت اور حقيقي وفار و افتخار کا واحد راستہ يہ ہے ک پيغمبر اسلام صلي اللہ عليہ و آلہ و سلم کي بے پناہ عظمتوں کي حامل شخصيت کے مختلف پہلوؤں کو اسوہ قرار ديا جائے? آپ نے پيغمبر اسلام کو علم و ديانتداري، انصاف و خوش خلقي، وعدہ الہي پر يقين کامل اور رحمدلي کا حقيقي مظہر قرار ديا اور فرمايا کہ پوري تاريخ ميں انسانيت مادي ترقيوں اور زندگي ميں پے در پے آنے والي تبديليوں کے باوجود ہميشہ ان صفات اور اعلي اقدار کي متلاشي نظر آئي ہے اور اس درميان امت اسلاميہ کو دوسروں سے زيادہ ان خصائص کي احتياج ہے?
قائد انقلاب اسلامي نے مسلمانوں کے اندر ايک دوسرے کے ساتھ برادرانہ سلوک اور صبر و در گزر کي روش کو لازمي قرار ديا اور فرمايا کہ امت اسلاميہ کي ايک اور اہم عصري ضرورت اللہ تعالي کے وعدوں پر اطمينان و يقين کامل ہے کيونکہ اللہ تعالي نے وعدہ کيا ہے کہ سختيوں کے دور ميں استقامت، جد و جہد اور سعي پيہم، اسي طرح دنيوي لذتوں اور مال و منال کي چاہت ميں بر حق موقف سے پسپائي اختيار نہ کرنے کي صورت ميں منزل مقصود کا ملنا طے ہے?
قائد انقلاب اسلامي نے مدينہ منورہ ميں پيغمبر اسلام صلي اللہ عليہ و آلہ و سلم کي دس سالہ حکومت کا حوالہ ديتے ہوئے فرمايا کہ اس حکومت کي عمر بہت چھوٹي تھي ليکن اسي ميں ايسي عمارت کي داغ بيل پڑي جو صديوں سے ہميشہ بشريت کي نگاہ ميں علم و تمدن اور روحاني و مادي پيشرفت کا نقطہ کمال رہي ہے?
قائد انقلاب اسلامي نے اتحاد کو امت اسلاميہ کي انتہائي اہم ضرورت قرار ديا اور قوموں کي بيداري اور اسلامي انقلابات کا حوالہ ديتے ہوئے فرمايا کہ علاقے ميں رونما ہونے والے انقلاب، امريکا اور استکباري طاقتوں کي پے در پے ہزيمت اور صيہوني حکومت کا روز افزوں زوال امت اسلاميہ کو حاصل ہونے والے اہم مواقع ہيں اور ان مواقع سے بھرپور استفادہ کئے جانے کي ضرورت ہے? قائد انقلاب اسلامي نے فرمايا کہ اس ميں کوئي شک و شبہ نہيں ہے کہ امت اسلاميہ، علمي ہستيوں، دانشوروں اور سياسي و مذہبي شخصيات کي ہمت و شجاعت سے يہ تحريک اگے بڑھے گي اور امت اسلاميہ ايک بار پھر عزت و سربلندي کے اوج پر پہنچے گي?
قائد انقلاب اسلامي نے اس سال اسلامي انقلاب کي سالگرہ کے موقعے پر پيغمبر اکرم صلي اللہ عليہ و آلہ و سلم اور فرزند رسول حضرت امام جعفر صادق عليہ السلام کے يوم ولادت با سعادت کي آمد کو حسن اتفاق قرار ديا اور فرمايا کہ ايران کا اسلامي انقلاب در حقيقت تاريخ ميں پيغمبر اسلام کي عظيم تحريک کا ہي ايک ثمرہ ہے اور يہ انقلاب حقيقي اسلام کا احياء تھا?
قائد انقلاب اسلامي نے فرمايا کہ ايک ايسے دور ميں جب تسلط پسند طاقتيں اطمينان حاصل کر چکي تھيں کہ اپنے اقدامات سے روحانيت اور اسلام پسندي کے جذبے کو ہميشہ کے لئے ختم کرنے ميں کامياب ہو گئي ہيں ناگہاں اسلامي انقلاب کي عظيم تاريخي آواز گونجي جس نے دشمنوں کو دہشت زدہ اور دوستوں اور بابصيرت انسانوں کو پراميد کر ديا? قائد انقلاب اسلامي نے ايران کے اسلامي انقلاب کي شمع فروزاں کو خاموش کرنے کے لئے دشمنوں کي جانب سے جاري پيچيدہ سازشوں کا حوالہ ديا اور فرمايا کہ ان تمام سازشوں کے باوجود اسلامي انقلاب عظيم الشان امام خميني رضوان اللہ عليہ کي قيادت اور ملت ايران کي پائيداري و استقامت کے نتيجے ميں محفوظ رہا اور روز بروز ارتقائي منزليں طے کر رہا ہے?
آپ نے امام خميني کے ذريعے معين کئے جانے والے اعلي اہداف کي سمت ملت ايران کي پيشقدمي کے جاري رہنے پر زور ديا اور فرمايا کہ ايراني عوام امام خميني کے راستے کے تئيں اپني وفاداري اور اس راہ پر اپني ثابت قدمي کے ساتھ اپني قوت ارادي سے دشمنوں کي سازشوں پر غلبہ پانے ميں کامياب رہے ہيں? آپ نے اسلامي انقلاب، اس کے روز افزوں استحکام اور پھيلاؤ کو اسلام اور پيغمبر اکرم کي عظيم تحريک کي برکت قرار ديا اور فرمايا کہ تينتيس سال سے جاري ملت ايران کي سعي و کوشش اور استقامت و مجاہدت ايک قيمتي مثال اور تجربہ ہے جسے قوموں اور اسلامي امہ کے سامنے ايک نمونے کے طور پر پيش کيا جا سکتا ہے?
اس ملاقات ميں قائد انقلاب اسلامي کے خطاب سے قبل صدر مملکت ڈاکٹر محمود احمدي نژاد نے تقرير کرتے ہوئے پيغمبر اسلام صلي اللہ عليہ و آلہ و سلم اور حضرت امام جعفر صادق عليہ السلام کے يوم ولادت با سعادت کي مبارکباد پيش کي اور ايران کے اسلامي انقلاب سميت تاريخ بشريت کي تمام حريت پسندانہ اور اصلاحي تحريکوں کو انبيائے الہي بالخصوص پيغمبر اسلام کي عظيم تحريک کا نتيجہ قرار ديا?
انہوں نے کہا کہ پيغمبر اسلام نے پرچم توحيد بلند کرنے، حقيقي اقدار کي ترويج، برائيوں، زيادتيوں اور جہالتوں کي بيخ کني اور اخلاقيات و مساوات کي بالادستي کے مقصد سے قيام فرمايا اور ايران کا اسلامي انقلاب در حقيقت اسي عظيم تحريک کي ايک کڑي ہے? صدر مملکت نے علاقے کي عوامي تحريکوں کو بھي پيغمبر اسلام کے ذريعے لائے گئے انقلاب کا تسلسل قرار ديا اور کہا کہ حاليہ تغيرات ايک عظيم تحريک کي زمين ہموار کرتے جا رہے ہيں جس کے نتيجے ميں دنيا پر توحيد کي حکمراني ہوگي اور صيہونيوں اور ظالموں کے شر سے سب کو نجات مل جائے گي?
وحدت اسلامي کانفرنس کے غير ملکي شرکاء نے اس مبارک و مسعود موقعے پر قائد انقلاب اسلامي سے قريب سے گفتگو بھي کي?
تبصرہ بھیجیں
برای مہربانی اپنے تبصرے میں اردو میں لکھیں.
قوانین ملک و مذھب کے خالف اور قوم و اشخاص کی توہین پر مشتمل تبصرے نشر نہیں ہوں گے