22 February 2018 - 12:38
‫نیوز‬ ‫کوڈ‬: 435115
فونت
امریکہ کی سرکردگی میں قائم نام نہاد داعش مخالف عالمی اتحاد کے حملے میں بارہ شامی شہری جاں بحق اور متعدد دیگر زخمی ہو گئے۔
شام پر امریکی بمباری

رسا نیوز ایجنسی کی رپورٹ کے مطابق دمشق میں عسکری ذرائع نے بتایا ہے کہ نام نہاد داعش مخالف امریکی اتحاد کے جنگی طیاروں نے مشرقی صوبے دیر الزور کے علاقے ہجین پر بمباری کی ہے۔

امریکی اتحاد کی بمباری میں بارہ افراد مارے گئے ہیں۔ امریکی اتحاد نے منگل کے روز بھی دیرالزور کے علاقے البحرہ پر بمباری کی تھی جس میں نو عورتوں سمیت سولہ شامی شہری جاں بحق ہو گئے تھے۔

اس سے پہلے پیر کے روز، دیرالزور پر امریکی اتحاد کی بمباری میں ایک ہی خاندان کے دس افراد سمیت سولہ عام شہری مارے گئے تھے۔

حکومت شام نے اقوام متحدہ کے سیکریٹری جنرل اور سلامتی کونسل کے چیئرمین کے نام بارہا اپنے مراسلوں میں شام میں امریکی اتحاد کے ہاتھوں ہونے والے قتل عام کو بند کرائے جانے کا مطالبہ کیا ہے۔

دو ہزار چودہ سے اب تک عراق و شام میں نام نہاد داعش مخالف امریکی اتحاد کے فضائی حملوں میں تین ہزار سے زائد عام شہری جاں بحق ہو چکے ہیں۔/۹۸۹/ف۹۴۰/

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬