29 August 2013 - 15:16
News ID: 5856
فونت
حجت الاسلام عارف واحدی:
رسا نیوز ایجنسی – سرزمین پاکستان کے نامور شیعہ عالم دین حجت الاسلام عارف واحدی نے حکومت پاکستان سے مطالبہ کیا: بھکر واقعہ میں ملوث اصل مجرموں کو کیفرو کردار تک پہونچا کر عوام کو آگاہ کیا جائے ۔
حجت الاسلام عارف واحدي

 

رسا نیوز ایجنسی کی رپورٹ کے مطابق، شیعہ علماء کونسل پاکستان کے مرکزی جنرل سیکریٹری حجت الاسلام عارف واحدی نے بھکر کی صورتحال پر سخت رد عمل کا اظھار کرتے ہوئے کہا: ملکی صورتحال ایک سازش کے تحت خراب کی جارہی ہے،  سانحہ بھکر کی اعلٰی سطح پر عدالتی تحقیقات کرائی جائیں۔


حجت الاسلام واحدی نے اس بات پر زور دیتے ہوئے کہ بھکر واقعہ میں ملوث اصل مجرموں کو کیفر کردار تک پہنچا کر عوام کو آگاہ کیا جائے اور بے گناہوں کو فوری رہا کیا جائے کہا: ذاتی دشمنی کی بنا پر معروف فتنہ پرست گروہ اور کالعدم جماعت کے مقامی رہنما کے قتل کو شرپسندوں کی جانب سے مذہبی رنگ دے کر ضلع بھر میں اشتعال اور فتنہ و فساد کو ہوا دی گئی اور قانون کو ہاتھ میں لے کر نہ صرف مُسلّمہ اسلامی مکتب فکر کے خلاف غلیظ نعرہ بازی کرکے مقدسات کی توہین کی گئی بلکہ معصوم اور نہتے عوام پر بلااشتعال فائرنگ کی گئی، جس سے حسینی چوک کوٹلہ جام میں بے گناہ افراد شہید و شدید زخمی ہوگئے تھے۔


انہوں ںے اس افسوسناک واقعہ میں شہید ہونے والوں کے لواحقین سے دلی تعزیت و ہمدردی کا اظہار کرتے ہوئے زخمیوں کی جلد صحت یابی کی دعا کی اور پنجاب حکومت سے مطالبہ کیا : وہ صورت حال کی سنگینی کا ادراک کرتے ہوئے علاقہ میں امن و امان کو یقینی بنانے کے لئے مناسب اقدامات کرے ۔


سرزمین پاکستان کے نامور شیعہ عالم دین نے مزید کہا: حکومت پنجاب سے بے گناہ افراد کو مقدمہ سے خارج کرکے انکی فی الفور رہائی کا مطالبہ کرتے ہیں ۔
 

تبصرہ بھیجیں
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬