رسا نیوز ایجنسی کے رپورٹر کی رپورٹ کے مطابق، مراجع تقلید قم میں سے حضرت آیت الله ناصر مکارم شیرازى نے سعودیہ عربیہ میں شیعوں کے سلسلہ میں سعودی حکومت کے موقف اور برتاو پر بیانیہ دیتے ہوئے آل سعود کو ان کے کردار کے سلسلہ میں متنبہ کرایا اور کہا کہ دنیا کے شیعہ اور مکتب اہل بیت علیھم السلام کے ماننے والوں کے احساسات کو مزید مجروح نہ کریں ۔
رسا نیوز ایجنسی کو ارسال کردہ اس پیغام کا تفصیلی متن مندرجہ ذیل ہے :
بسم الله الرحمن الرحیم
احصا اور قطیف کے شیعوں کے ساتھ سعودی حکام کے برتاو کے سلسلہ میں مختلف خبریں سننے میں آرہی ہیں کہ وہاں کے بعض بزرگان دین کو جمھوریت کے مطالبہ کے جرم میں جیل میں ڈال دیا گیا ہے ، انہیں سختیوں سے روبرو کیا گیا ہے اور اس سے بھی بدتر یہ ہے کہ مشھور و معروف عالم دین شیخ باقر نمر النمر کی پھانسی کا حکم صادر کردیا کیا گیا ہے ۔
ہم تمام سعودی حکام کو متنبہ کرتے ہیں کہ اس طرح کے شدت پسندانہ اقدامات دنیا کے شیعہ اور مکتب اہل بیت علیھم السلام کے ماننے والوں کے احساسات کو مجروح کریں گے اور اس کے برے اثرات مرتب ہوں گے ۔
سعودی حکمراں اس طرح کی سختیاں کرنے کے بجائے بہتر ہے کہ ان کی فریادوں کو سنیں کیوں کہ وہ اپنے از دست رفتہ حقوق کے طلبکار ہیں ، وہ مذھبی پروگراموں کی انجام دہی میں ازادی کے خواہاں ہیں ، انہیں اپنے ملک سے محبت ہے، کس عقل و منطق کا تقاضہ ہے کہ ان کے ساتھ قانونی مطالبات کی تکمیل کے جرم میں اس طرح پیش آیا جائے ۔
ہم انسانی حقوق کی عالمی تنظیموں کی کارکردگی پر تعجب کرتے ہیں کہ اگر سامراج موافق ممالک میں اگر اس طرح کے مسائل پیش آئیں تو وہ خاموش رہتی ہیں ، اور اس بر خلاف سامراج مخالف ممالک میں اگر چھوٹا سا بھی کوئی حادثہ پیش اجاتا ہے تو ان کی آوازیں بلند ہو جاتی ہیں ۔
ہم ایک بار پھر اس بات کی تاکید کرتے ہیں کہ ایک معروف و مشھور عالم دین کے لئے پھانسی کی سزا حکم کوئی ایسی بات نہیں ہے جس پر مراجع تقلید ، بزرگان و پیروان مذھب شیعہ خاموش رہیں ۔
والسلام على من اتبع الهدى
ناصر مکارم شیرازى
1 جولائی 2014