اقوام متحدہ کی جنگ بندی کی اپیل نظر انداز 15 ویں روز بھی غزہ پر صھیونی بمباری جاری، 583 فلسطینی شہید، 3000 سے زائد زخمی

رسا نیوز ایجنسی کی رپورٹ کے مطابق، غزہ پر تازہ فضائی حملوں میں سات فلسطینی شہید ہوگئے، شہداء کی مجموعی تعداد 583 اور زخمیوں کی تعداد 3000 پہونچکی ہے ، ان حملوں میں سینکڑوں مکانات تباہ ہوچکے۔ 

فلسطینی وزارت صحت کا کہنا ہے کہ غزہ پر صیہونی فوجی بربریت کے نتیجہ میں 2600 سے زائد افراد زخمی ہوچکے ہیں ۔

دوسری جانب حماس نے جوابی کارروائی میں مزید 9 اسرائیلی فوجیوں کو ہلاک کردیا۔ اس طرح اب تک مرنے والے صیہونیوں کی تعداد 29 ہوگئی ہے۔

قاہرہ میں اقوام متحدہ کے سکریٹری جنرل بانکی مون نے عرب لیگ کے سربراہ نبیل العربی سے ملاقات کے بعد میں میڈیا سے بات کرتے ہوئے طرفین سے غزہ میں جنگ بندی کی اپیل کئے جانے کی خبر دی ۔