رسا نیوز ایجنسی کی رپورٹ کے مطابق اسلامی جمہوریہ ایران کی وزارت خارجہ کے ترجمان حسین جابری انصاری نے اپنے ایک بیان میں برسلز میں دہشت گردانہ بم دھماکوں کی مذمت کرتے ہوئے مرنے والوں کے لواحقین اور حکومت بیلجیئم سے ہمدردی کا اظہار کرتے ہوئے تعزیت پیش کی ہے ۔
حسین جابری انصاری نے کہا : دنیا کے مختلف علاقوں میں دہشت گردی کے پے درپے واقعات سے اس بات کی نشاندہی ہوتی ہے کہ دہشت گردی اور انتہا پسندی پوری دنیا کے لئے خطرہ ہے ۔
وزارت خارجہ کے ترجمان نے بیان کیا : ہر جگہ دہشتگرد کاروائیوں کی تسلسل سے یہی پیغام ملتا ہے کہ انتہا پسندی کے خلاف اور انسداد دہشتگردی کے لئے عالمی عزم اور تعاون ناگزیر ہے ۔
انہوں نے کہا : دہشت گردی کی لعنت کا خاتمہ کرنے کے لئے دنیا کو مل کر کوشش کرنا ہو گی اور دہشت گردوں کی سیاسی، نظریاتی اور مالی امداد کا سلسلہ بند کرانا ہو گا ۔
قابل ذکر ہے کہ بیلجیئم کے دارالحکومت برسلز میں ہونے والے پے درپے بم دھماکوں میں اب تک کی اطلاعات کے مطابق پیتیس افراد ہلاک اور سو کے قریب زخمی ہوئے ہیں ۔