12 July 2014 - 17:59
‫نیوز‬ ‫کوڈ‬: 7010
فونت
رسا نیوز ایجنسی - ھندو مذھبی رہنما سوامی اگنی ویش نے غزہ پر ہونے والے حالیہ صھیونی حملہ کی شدید مذمت کی ۔
سوامي اگني ويش

 

رسا نیوز ایجنسی کی رپورٹ کے مطابق، ھندو مذھبی رہنما ، ہندوستان میں پارلیمنٹ آف آل ریلیجنز کے کوآرڈی نیٹر اور ممبئی لیبر لبریشن فرنٹ کے چیرمین سوامی اگنی ویش نے غزہ پر صیہونی جارحیت کی شدید الفاظ میں مذمت کی ۔


انہوں ںے اپنے بیان میں غزہ پر صیہونی جارحیت کو انسانیت کے خلاف کھلی جارحیت قراردیا اور کہا: اتنی بڑی جارحیت پر عالمی ضمیر کو بیدار ہوجانا چاہئے لیکن امریکہ کی وجہ سے سب نے خاموشی اختیار کرلی ہے۔


ھندو مذھبی رہنما نے یہ کہتے ہوئے کہ اسرائیل کو جان لینا چاہئے کہ اب ظلم و جور کا زمانہ نہیں رہا اور جارح کو اس کے کئے کی سزا ضرور ملے گی کہا: اسرائیلی جارحیت پر خاموشی اختیار کرنے والے اس کے ظلم میں برابر سے شریک ہیں ۔


سوامی اگنی ویش نے دنیا بھر کے مظلوموں سے ظالموں کے خلاف متحد ہونے کی درخواست کرتے ہوئے کہا : جب مظلوم متحد ہوں گے تو اسرائیل اپنے موقف سے پیچھے ہٹنے پر مجبور ہوگا ۔
 

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬