21 August 2014 - 09:09
‫نیوز‬ ‫کوڈ‬: 7165
فونت
حجت الاسلام امین شہیدی :
رسا نیوز ایجنسی ـ پیپلز پارٹی کے ایک وفد نے سینیٹر رحمن ملک کی قیادت میں مجلس وحدت مسلمین کے ڈپٹی سیکرٹری جنرل و ممبر اسلامی نظریاتی کونسل سے ملاقات کی ۔
حجت الاسلام امين شہيدي


رسا نیوز ایجنسی کی رپورٹ کے مطابق پاکستان پیپلز پارٹی کے ایک وفد نے سینیٹر رحمن ملک کی قیادت میں مجلس وحدت مسلمین کے ڈپٹی سیکرٹری جنرل و ممبر اسلامی نظریاتی کونسل حجت الاسلام محمد امین شہیدی سے ملاقات کی۔ وفد میں ندیم افضل چن چئیرمین اسٹینڈنگ کمیٹی، صابر بلوچ ڈپٹی چیئرمین سینیٹ، اخونزادہ چٹان ممبر قومی اسمبلی اور دیگر شامل تھے۔

وفد سے بات کرتے ہوئے حجت الاسلام امین شہیدی نے کہا : موجودہ حالات کو اگر حکومت نے دانشمندی سے حل نہ کیا تو قوم دس سے بارہ سال پیچھے چلی جائے گی۔

انہوں نے بیان کیا : دوسری طرف اس ملک میں حکومت اور اسٹیبلیشمنٹ نے جس طرح شدت پسند عناصر کو پروموٹ کیا حتی کہ اداروں میں بھی ان کو پروموٹ کیا گیا تھا۔ اور پھر اس کے نتائج کو اس ملک کے عوام نے دیکھا۔ اب ان معاملات میں ایک موڑ آیا ہے۔ پاکستان میں عوام کی اکثریت معتدل اور امن پسند ہے ان معتدل لوگوں کو سپورٹ کرنا وطن کی ضرورت ہے۔

مجلس وحدت مسلمین کے ڈپٹی سیکرٹری جنرل نے تاکید کی: تمام سیاسی اور مذہبی جماعتوں کو چاہیے کہ شدت پسندوں کی حوصلہ شکنی کریں اور وطن سے محبت رکھنے والی معتدل قوتوں کو زیادہ سے زیادہ سپورٹ کریں۔ شدت پسندی روکنے کا اس سے بہترین حل اور کوئی نہیں ہو سکتا ہے ۔

امین شہیدی نے کہا : ڈاکٹر طاہر القادری صاحب نے آئین کی بالا دستی، کرپشن کے خاتمے، فرقہ واریت اور شدت پسندی کی بیخ کنی اور ایک عادلانہ نظام کے قیام کے لیئے قدم اٹھایا تو مجلس وحدت مسلمین نے شعوری طور پر ان کا ساتھ دیا۔ ہمارا مقصد ارض وطن سے ظلم اور ظالمانہ نظام کا خاتمہ اور عدل و انصاف پر مبنی نظام کا قیام ہے۔ اور موجودہ تحریک کا بنیادی مقصد یہی ہے۔

انہوں نے کہا : نواز شریف حکومت نے بے گناہوں کا قتل عام کیا، دہشت گردوں اور شدت پسندوں کا ساتھ دیا، انتخابی دھاندلی کا بھر پور مظاہرہ کیا اور جمہوریت کے نام پر خاندانی بادشاہت کا نظام قائم کیا اور پاکستان کے اٹھارہ کروڑ عوام کو انسان نہیں مویشیوں کا ریوڑ سمجھا۔ پاکستان تب ہی ترقی کر سکتا ہے جب اس کرپٹ نظام کو جڑ سے اکھاڑ کر پھینک دیا جائے اور اس کی جگہ ایک منصفانہ اور عادلانہ نظام قائم ہو۔

حجت الاسلام امین شہیدی نے اظہار کیا : موجودہ تحریک اب اپنے آخری مراحل میں داخل ہو چکی ہے۔ مجلس وحدت مسلمین کے قائدین پاکستان عوامی تحریک اور دیگر اتحادی جماعتوں کے ساتھ مل کر ہر گزرتے لمحے اپنی نئی حکمت عملی بنانے میں مصروف ہیں۔ پیپلز پارٹی کو چاہیے کہ ملک کواس بحران سے نکالنے اور ان تمام بیماریوں سے نجات دلانے کے لیے اپنا مثبت رول ادا کرے اور ن لیگ کی ہٹ دھرمی اور نواز شریف خاندان کے غرور کو توڑنے میں تحریک کا ساتھ دے۔
 

تبصرہ بھیجیں
نام:
ایمیل:
* ‫نظریہ‬:
‫برای‬ مہربانی اپنے تبصرے میں اردو میں لکھیں.
‫‫قوانین‬ ‫ملک‬ ‫و‬ ‫مذھب‬ ‫کے‬ ‫خالف‬ ‫اور‬ ‫قوم‬ ‫و‬ ‫اشخاص‬ ‫کی‬ ‫توہین‬ ‫پر‬ ‫مشتمل‬ ‫تبصرے‬ ‫نشر‬ ‫نہیں‬ ‫ہوں‬ ‫گے‬