رسا نیوز ایجنسی کی رپورٹ کے مطابق، قائد ملت جعفریہ پاکستان حجت الاسلام و المسلمین سید ساجد علی نقوی نے وہاڑی میں پریس کانفرنس سے خطاب کرتے ہوئے پیرس حملے کی شدید مذمت کی اور متاثر گھرانوں سے ہمدردی کا اظھار کیا ۔
انہوں ںے یہ کہتے ہوئے فرانس میں ہونے والی دہشت گردانہ کارروائیوں کی تحقیق کئے بغیر کسی پر الزام لگانا مناسب نہیں ہے کہا: حقائق جاننا عوام کا بنیادی حق ہے، لیکن عوام کو ان کے اس بنیادی حق سے محروم رکھا جاتا ہے ۔
حجت الاسلام و المسلمین نقوی نے یہ بتاتے ہوئے کہ اس وقت ملک کو بہت سے چیلنجز کا سامنا ہے لیکن امن و امان کا مسئلہ سرفہرست ہے کہا: آپریشن ضرب عضب آخری مراحل میں داخل ہوچکا ہے لیکن پنجاب میں نیشنل ایکشن پلان کے نتائج نظر نہیں آ رہے ۔
انہوں ںے مزید کہا: لوگوں کے دلوں میں دو سال پہلے جو عدم تحفظ کا احساس تھا، وہ آج بھی موجود ہے ۔
شیعہ علماء کونسل پاکستان کے سربراہ نے ملک کے بعض صوبوں میں عزاداری کے خلاف ہونے والی گھناونی سازش کی جانب اشارہ کیا اور کہا: مجالس عزاء کو چاردیورای میں بند اور اسکے خلاف رکاوٹیں کھڑی کرنا ظلم ہے ۔
واضح رہے کہ اس پریس کانفرنس میں امن کمیٹی کے ریاستی ممبر غلام قنبر عسکری، نسیم عباس جوادی، غلام عباس ہادی اور دیگر بھی موجود تھے ۔
اس سلسلے کی دیگر خبر یہ ہے کہ قائد ملت جعفریہ پاکستان حجت الاسلام و المسلمین سید ساجد علی نقوی نے ملتان کا دورہ کیا اور مختلف شخصیات کے انتقال پر فاتحہ خوانی اور مختلف شخصیات کے لواحقین سے اظہار تعزیت کیا ۔