رسا نیوز ایجنسی کی رپورٹ کے مطابق، لبنان کے دار الحکومت بیروت کے امام جمعہ حجت الاسلام سید علی فضل الله نے پیرس حملے کی شدید مذمت کی اور کہا: اس طرح کے اقدامات دین و اخلاق و انسانیت کے دائرہ سے باہرہیں ۔
انہوں نے تمام حکومتوں اور سیاسی طاقتوں کو دھشت گردی سے مقابلے کے دعوت دی اور کہا: دھشت گرد تکفیریوں کا طرز عمل ھرگز قابل قبول نہیں ہے ۔
سرزمین لبنان کے اس شیعہ عالم دین نے تاکید کی : تکفیری دھشت گردوں نے جس جنایت گر سیاست کا انتخاب کیا ہے وہ اس میں کامیاب نہیں ہوسکتے ، ان اقدامات کا نتیجہ بے گناہ انسانوں کو خاک و خون میں غلطاں کرنے کے سوا کچھ بھی نہیں ۔
بیروت کے امام جمعہ نے واضح طور پر کہا: تکفیریوں سے مقابلہ کسی خاص سیاسی طور و طریقہ کا محتاج نہیں ہے بلکہ اس کا سیدھا سا راستہ یہ ہے کہ ان امداد بند کردی جائے اور اس طرح ان کی حیات کا خاتمہ ہوجائے گا ۔
انہوں نے آخر میں یاد دہانی کی: علمائے کرام اور مراجع عظام اپنے اثر و کلام کے ذریعہ سچے اسلام کو لوگوں تک پہونچائیں اور لوگوں کو شدت پسندی سے دور کریں ۔
واضح رہے کہ گذشتہ روز فرانس کے دارالحکومت پیرس میں بم بلاسٹ ہوا جس میں سیکڑوں لوگ جاں بحق اور زخمی ہوگئے ، دھشت گرد گروہ داعش نے اس بلاسٹ کی ذ٘مہ داری قبول کی ہے ۔