![حسين الموسوي](/Original/1394/09/04/IMAGE635840528060973076.jpg)
رسا نیوز ایجنسی کی رپورٹ کے مطابق، لبنان کی پارلیمںٹ کے ممبر حسین الموسوی نے شھدائے حزب اللہ کی تجلیل میں ہونے والے ایک پروگرام میں کہا: دھشت گردی کوئی نئی چیز نہیں ہے بلکہ دھشت گردی، ظلم ، قتل عام اور فتنہ افروزی کی نئی شکل ہے کہ افسوس تاریخ بشر ھمیشہ اس کی شاھد رہی ہے ۔
انہوں نے مزید کہا: جس طرح نہضت امام حسین (ع) ظلم یزید کے برملا ہونے اور اسلام کے تحفظ کا باعث بنی ویسے ہی نہضت امام خمینی (ره) بھی اسی راہ پر گامزن رہی ، آپ نے یزید وقت امریکا اور غاصب صھیونیت کے مقابل قیام کیا اور ان کی حقیقت برملا کر کے رکھ دی ۔
لبنانی پارلیمںٹ ممبر نے تاکید کی : امام خمینی(ره) نے فرمایا کہ ہماری تمام مصیبتوں کی بنیاد و جڑ امریکا اور غاصب صھیونیت ہیں اور ہم اسلام کی بقا کو عاشوراء اور خون امام حسین(ع) کی برکاتوں کے مرھون منت جانتے ہیں ، امام خمینی(ره) نے نہضت امام حسین کی پیروی کرتے ہوئے یزید وقت کو اپنے مقابل جھکنے پر مجبور کردیا ۔
الموسوی نے تاکید کی : موجودہ حالات اور عصر حاضر میں یزیدی اور یزید کے ماننے والے تکفیریوں کی صورت میں ظاھر ہوئے ہیں ، ان گروہوں سے مقابلہ ایک شرعی اورعقلی وظیفہ ہے ۔
انہوں نے آخر میں کہا: ہمارے تکفیری اور صھیونی دشمن، مسلمانوں میں فتنہ پروری اور تفرقہ افکنی کے حربے کے ذریعہ اسلام اور مسلمانوں کو نقصان پہونچانا چاہتے ہیں ، خدا کے فضل و لطف اور مسلمانوں کی ہوشیاری اور بصیرت کے نتیجہ میں دشمن کے شیطانی نقشے نقش بر آب ہوجائیں گے ۔